“Gənc Təbiət Dostları” Şəbəkəsi layihəsi çərçivəsində təlim keçirildi
06 aprel 2017 13:46
Baxış Sayı: 919,
Müəllif: Qarabaqinfo
Çap Et
 “Gənc Təbiət Dostları” Şəbəkəsi layihəsi çərçivəsində təlim keçirildi Azərbaycan Respublikasının Prezidenti yanında Gənclər Fondunun dəstəyi ilə fərdi layihə qalibi Sevinc Ədilova tərəfindən həyata keçirilən “Gənc Təbiət Dostları” Şəbəkəsi adlı layihə çərçivəsində yeniyetmə və gənclər arasında təlim və ağac əkmə kompaniyası həyata keçirilmişdir. Təlimdə və ağac əkmə kompaniyasında yeniyetmə və gənc məktəblilər iştirak etmişlər. Ağac əkmə kompaniyası zamanı məktəbin həyətində meyvə və dekorativ ağaclar əkilmişdir. Tədbir zamanı iştirakçılar arsında Könüllü qruplar yaradılmışdır. Yaradılmış bu qruplar mütəmadi olaraq öz məktəblərində və məktəbəqədər uşaq müəssisələrində təbiətin keşiyində durmağın qaydalarının öyrədilməsi istiqamətində müxtəlif metodlarla işlər aparacaq, daha kiçik yaşlı uşaqlara bu qaydaların öyrədilməsi prosesinin birbaşa iştirakçısı olacaqlar. Qeyd edək ki layihənin əsas məqsədi yeniyetmə və gənclər arasında təbiətin qorunması, ətraf mühitin təmiz saxlanması və içməli su hövzələrinin çirkləndirilməməsi və meşələrin qırılmasının qarşısının alınmasından ibarətdir.   Qarabaq.info |
