Xaləddin İsgəndərovdan YAP-ın tədbirində qəribə çıxış — MÜƏMMA

"Yeni Azərbaycan Partiyası (YAP) siyasi partiyaların brendidir"

Bunu Binəqədi rayon İcra Hakimiyyətinin başçısı Xaləddin İsgəndərov YAP-ın yaranmasının 24 illiyi münasibətilə keçirilən tədbirdə çıxışı zamanı bildirib.

Qarabaq.info Ölkə.Az-a istinatən xəbər verir ki, icra başçısı çıxışında mənsub olduğu partiyada kəmiyyətlə yanaşı keyfiyyətə də önəm verildiyini qeyd edib:

"YAP-ın ətrafında daha geniş xalq kütləsinin birləşməsi bunu bir daha sübut edir. Bu partiyada təkcə kəmiyyət deyil, keyfiyyətə də önəm verilir".

X.İsgəndərov son günlər yağan yağışlarla əlaqədar paytaxtın Binəqədi rayonu ərazisində yolların və evlərin su altında qalmasına da toxunub:

"Son günlər Bakıda yağan güclü yağışlar nəticəsində ən çox ziyan çəkən rayon Binəqədi olub. Yağış nəticəsində 5 min ev ziyan çəkib. Bu zaman mən müşavirə keçirərək, yaranmış vəziyyəti maraqlanmışam. Müvafiq tapşırıqlar vermişəm. Gənc əqidədaşlarımızdan biri söhbət zamanı bildirib ki, axı bizim orada nə işimiz var. Doğrudur, o dediyi bu sözə görə sonradan peşiman olub. Ancaq mən ona bildirdim ki, ölkə başçısı cənab İlham Əliyev haradadırsa, biz də orada olmalıyıq. Xalqın problemi varsa, orada mütləq olmalıyıq. Əgər kim bu cür düşünmürsə, bu onların ən böyük siyasi səhvidir".