Aİ-nin Azərbaycandakı nümayəndəliyinin rəhbəri Ermənistanın təxribatları barədə məlumatlandırılıb
24 oktyabr 2017 11:06
Baxış Sayı: 779,
Müəllif: Qarabaqinfo
Çap Et
 Oktyabrın 23-də Azərbaycan Respublikasının Müdafiə naziri general-polkovnik Zakir Həsənov Avropa İttifaqının (Aİ) ölkəmizdəki nümayəndəliyinin yeni təyin olunmuş rəhbəri səfir Kestutis Yankauskas ilə görüşüb. Qarabaq.info Müdafiə Nazirliyinin saytına istinadən xəbər verir ki, Səfiri ölkəmizdə fəaliyyətə başlaması münasibətilə təbrik edən nazir ona Azərbaycan ilə Avropa İttifaqı arasında əlaqələrin inkişafı istiqamətində uğurlar arzulayıb. Ermənistan-Azərbaycan, Dağlıq Qarabağ münaqişəsinin həlli ilə bağlı hazırkı vəziyyətə dair məsələlərin müzakirə edildiyi görüşdə general-polkovnik Z.Həsənov Azərbaycanın beynəlxalq birlik tərəfindən tanınan ərazilərinin 20 ildən artıq müddətdə Ermənistanın işğalı altında olduğunu, bunun nəticəsində bir milyondan çox insanın didərgin düşdüyünü və qarşı tərəfin cəbhədə vəziyyəti gərginləşdirmək cəhdlərini qonağın diqqətinə çatdırıb. Müdafiə nazir bildirib ki, Ermənistan silahlı qüvvələrinin təxribatları nəticəsində dinc sakinlər və hərbi qulluqçuların həyatlarına təhlükə yarandığından münaqişənin həlli yolu onun beynəlxalq hüququn norma və prinsiplərinə uyğun olaraq işğalçı qoşunların Azərbaycan ərazilərdən qeyd-şərtsiz çıxarılmasından ibarətdir. Səfir K.Yankauskas öz növbəsində bildirib ki, Avropa İttifaqı regionda sabitliyin təmin olunması üçün münaqişənin tez bir zamanda sülh yolu ilə həllinin və bu istiqamətdə danışıqların davam etdirilməsinin tərəfdarıdır. Görüşdə regiondakı hərbi-siyasi vəziyyət və qarşılıqlı maraq doğuran digər məsələlər barədə fikir mübadiləsi aparılıb. |
Bu xəbəri dostlarınla paylaş:
Azərbaycan Prezidenti İstanbulda D-8 İqtisadi Əməkdaşlıq Təşkilatının IX Zirvə görüşündə xüsusi qonaq qismində iştirak edib
Siyasət
Prezident İlham Əliyevin Azərbaycan xalqını qarşıdan gələn Novruz bayramı münasibətilə təbrik edib
Ölkə içi
Cəbrayıl rayon köcgün qəsəbəsində Xocalı soyqırımı şagirdlərin gözü ilə geniş tədbir keçrilmişdir.
Gündəm
Azərbaycan prezidenti Formula-1 Azərbaycan Qran-Prisinin açılış mərasiminə və final yarışına baxıb
Ölkə içi
Pirallahı rayonu 231 nömrəli tam orta məktəbdə Həmrəylik Günü və Yeni ilin Gəlişi il münasibətilə tədbir kecirlmişdi.
Ölkə içi
Prezident İlham Əliyevin çıxışı və mesajları - Azərbaycanı yaxın aylarda nələr gözləyir – (ŞƏRH)
Siyasət
Görkəmli professor Qəzənfər Paşayevin 80 illik yubileyi ilə əlaqədar Tovuzda tədbir keçriilib
Araşdırma