Polşada oxumaq və işləmək istəyənlər üçün pulsuz seminarlar keçirilir

“Centrum Polskie”nin dəstəyi ilə Polşaya gedən gənclər Varşavadakı “Azərbaycan Evi”nin diqqət mərkəzində olur

Aprelin 1-də və 2-də Bakıda fəaliyyət göstərən “Centrum Polskie”də (Polşa Mərkəzi) “Polşada təhsil və iş” seminarları keçiriləcək.

Seminarlarda abituriyentlər və onunların valideynləri, tələbələr, ali məktəb məzunları və hətta orta təhsilli, hər hansı peşə biliyi olan şəxslər iştirak edə bilərlər.

Polşada təhsil almaq, karyera qurmaq və öz bacarıqlarını düzgün istiqamətə yönəldərək maddi təminatını yaxşılaşdırmaq istəyən hər bir kəs bu seminarlardan faydalanaraq, Polşada həyat, təhsil və iş imkanları barədə təsəvvürlərini formalaşdıra bilər. Polşada Azərbaycan Gəncləri Birliyinin (AYPU) təsisçisi, daimi olaraq Polşada yaşayan gənc iş adamı Cavid Zeynalov seminar iştirakçılarına universitet seçimi, Polşada həyat tərzi, düzgün CV hazırlanması və bu ölkədə iş tapmaq və ya biznes qurmaq üçün lazım olan vacib amillərdən söz açacaq.

“Centrum Polskie” hər şənbə və bazar günləri gənclərə pulsuz seminarlar keçirir, iş günləri ərzində ödənişsiz konsultasiya xidməti göstərir.  Qeyd edək ki, “Centrum Polskie”nin dəstəyi ilə Polşaya oxumağa və ya işləməyə gedən gənclər Varşavada fəaliyyət göstərən “Azərbaycan Evi”nin davamlı diqqət mərkəzində olur.

Seminarlar zamanı iştirakçılar üçün pulsuz “Coffee-break” təşkil olunacaq. Seminarlar aprelin 1-də və 2-də saat 17:00-dan 19:00-a qədər baş tutacaq.

“Cetrum Polskie”nin ünvanı: “İçərişəhər” m-sunun yanı, İstiqlaliyyət 57 (UNEC-lə üzbəüz).

Əlaqə: 012 497 22 87; 055 904 04 64. fb.com/SABstudyabroad ..Qafqaznews.az