Külli miqdarda qızılın qaçaqmalçılıq yolu ilə Azərbaycandan çıxarılmasının qarşısı alınıb, beş nəfər saxlanıb
20 dekabr 2016 18:47
Baxış Sayı: 805,
Müəllif: Qarabaqinfo
Çap Et
 Dövlət Təhlükəsizliyi Xidməti, Dövlət Gömrük Komitəsi və Dövlət Sərhəd Xidməti tərəfindən həyata keçirilmiş birgə əməliyyat-axtarış tədbirləri nəticəsində ölkədən qaçaqmalçılıq yolu ilə külli miqdarda qızıl məmulatlarının çıxarılmasının qarşısı alınıb.
Qarabaq.info Dövlət Təhlükəsizliyi Xidmətinin İctimai əlaqələr şöbəsindən APA-ya verilən məlumata görə, 2016-cı il dekabr ayının 18-də Biləsuvar gömrük idarəsinin gömrük keçid məntəqəsindən gömrük nəzarətindən gizli ümumi çəkisi 2 kiloqram 145 qram olan qızıl külçələri və digər qızıl məmulatlarını xarici ölkə vətəndaşları ilə sövdələşərək ölkədən çıxarmaqda şübhəli bilinən Azərbaycan vətəndaşları F. Allahverdiyev, F. Məmmədov, Ə. Rəhimov, E. Hüseynov və E. Seyidov saxlanılıblar.
Hazırda istintaq-əməliyyat tədbirləri davam etdirilir.
|
