Gənclərin məşğulluğunun təmin olunmasında peşə təhslinin rolu

“Gənclərin məşğulluğunun təmin olunmasında peşə təhslinin rolu” layihəsinə yekun vurulmuşdur.

Beyləqan Gənclərinin Maarifləndirilməsi və Sosial İnkişafı” İctimai Birliyi Azərbaycan Respublikası Gənclər və İdman Nazirliyinin maliyyə dəstəyi ilə “Gənclərin məşğulluğunun təmin olunmasında peşə təhslinin rolu” layihəsinin icrasına yekun vurmuşdur.

Layihə çərçivəsində Beyləqan, Füzuli və Ağdam rayonlarda yeniyetmə və gənclər arasında təlimlər təşkil edilmişdir. Yeniyetmə və gənclərin iştirakı ilə həyata keçirilən təlimlərdə məqsədin təyin olunması, motivasiya və özünəinam, iş axtarışı zamanı düzgün yanaşma, peşəyönümünün psixoloji aspektləri, özünəməşğulluğun əsas elementləri məsələləri müzakirə olunmuşdur. İnteraktiv metodla keçirilən təlimlərdə təqdimatlar dinlənilib, iştirakçılarla və mütəxəssislərlə fikir mübadiləsi aparılıb, suallar cavablandırılıb.

Eyni zamanda seçilmiş təlim iştirakçılarının hazırladıqları biznes planların müzakirəsi aparılıb, planın mövcud əmək bazarına uyğunluğu araşdırılmışdır. Biznes planların yerli resurslardan istifadə edərək daha da inkişaf etdirilməsi və realllığı özündə əks etdirməsi ilə bağlı tövsiyyələr verilmişdir. Gələcəkdə uğurlu biznes planların müvafiq olaraq, dövlət, özəl və biznes qürumlarına təqdim edilməsi və reallaşması istiqamətində fəaliyyətlərin davam etdirilməsi nəzərdə tutulur.

Qeyd edək ki, layihənin əsas məqsədi region gənclərinin məşğulluq probleminin həllinə səy göstərməklə, insan kapitalının inkişafına dəstək olmaq və regionun sosial-iqtisadi inkişafına yardım etməkdir.