Azərbaycan Demokratiya və Rifah Hərəkatının Ali Məclisinin 6-cı sesiyası keçirilib
05 iyun 2017 12:23
Baxış Sayı: 994,
Müəllif: Qarabaqinfo
Çap Et
Qubad İbadoğlu,
Azərbaycan Demokratiya və Rifah (ADR) Hərəkatının sədrinin, facebook səhifəsinə istinadən.
Qarabaq.info xəbər verir ki, 4 iyun 2017-ci ildə Azərbaycan Demokratiya və Rifah (ADR) Hərəkatının Ali Məclisinin 6-cı sesiyası keçirildi.
Ali Məclisdə ölkədəki hazırkı ictimai-siyasi və sosial-iqtisadi durum, mövcud situasiyada ADR Hərəkatnın qarşısında duran vəzifələr geniş müzakirə olundu, Azərbaycan Xalq Cumhuriyyətinin 100 illik yubileyinin keçirilməsi məqsədilə növbəti 1 il üçün tədbirlər planının işlənilməsinə qərar verildi.
Yekunda ADR Hərəkatının Ali Məclisinin 6-cı sesiyası son zamanlar artan represiyalardan narahatçılığını ifadə edən qətnamə qəbul etdi.
ADR Hərəkatının Ali Məclisinin 6-cı sesiyasının Qətnaməsi
ADR Hərəkatının Ali Məclisi Azərbaycanda qanunun və hüququn aliliyinin kobud şəkildə pozulmasından və icimai-siyasi fəal şəxslərə, eləcə də jurnalistlərə və bloqqerlərə qarşı represiyaların artmasından narahatlığını bildirir və Azərbaycan hakimiyyətindən tələb edir:
1. Bloqqer Mehman Qələndorovun 28 aprel 2017-ci il traixində 1 saylı Bakı İstintaq Təcridxanasında baş vermiş ölüm hadisəsi araşdırılsın və bu araşdırma prosesinə müstəqil ekspertlər cəlb edilsin.
2. Səbail Rayon Məhkəməsində Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Mərkəzinin "Azadlıq" qəzetinin azadlıq.info, "Azadlıq" radiosunun azadlıq.org, azərbaycansaatı.com, Meydan.tv saytları və "Turan” telekanalı (Turan TV) və “Azərbaycan saatı” teleproqramlarının bloklanması ilə bağlı məhkəmə qərarına yenidən baxılsın və internet azadlığına zidd olan qərar ləğv edilsin.
3. “Casus işi” adı ilə bir qrup hərbi qulluqçu və mülki şəxsin işininin məhkəmə araşdırılması açıq və şəffaf aparılsın və bu barədə açıqlanması mümkün olan informasilayalar ictimaiyyətə təqdim olunsun.
4. Azərbaycan Xalq Cəbhəsi Partiyası sədrinin müavini Gözəl Bayramlıya, jurnlaist Əfqan Muxtarlıya və Kanal 13 televeziyasının rəhbəri Əziz Orucova qarşı qaldırılan saxta cinayət işləri ləğv edilsin.
5. Azərbaycanda siyasi və mülki azadlıqlar, qanunun və hüququn aliliyi, məhkəmələrin müstəqilliyi təmin edilsin, siyasi motivlərlə həbs olunmuş bütün məhbuslar şərtsiz olaraq azadlığa buraxılsın.
Bakı şəhəri, 04 iyun 2017-ci il.
Qarabaq.info
|
