Müdafiə naziri NATO toplantısında çıxış edib
10 noyabr 2017 16:26
Baxış Sayı: 816,
Müəllif: Qarabaqinfo
Çap Et
 Noyabrın 9-da Azərbaycan Respublikasının Müdafiə naziri general-polkovnik Zakir Həsənov NATO-nun Əfqanıstandakı Qətiyyətli Dəstək Missiyasına töhfə verən dövlətlərin Müdafiə nazirləri səviyyəsində Brüssel şəhərində keçirilən görüşündə iştirak edib. Toplantıda Əfqanıstandakı təhlükəsizlik vəziyyəti, Qətiyyətli Dəstək Missiyasının gələcəyi, Əfqan Müdafiə və Təhlükəsizlik qüvvələrinin inkişafı barədə müzakirələr aparılıb. İclasda çıxış edən general-polkovnik Z.Həsənov ölkəmizin Əfqanıstandakı beynəlxalq sülhməramlı əməliyyatların dəstəklənməsi missiyasına verdiyi töhfəni qeyd edərək Əfqanıstana yardım məqsədilə təlim, təhsil, infrastruktur, nəqliyyat, investisiya və digər sahələrdə müxtəlif proqramların həyata keçirildiyini xüsusi vurğulayıb. Müdafiə naziri çıxışında Alyansın etibarlı tərəfdaşı kimi, Azərbaycanın 2017-ci ildən sonra da Əfqanıstanın müdafiə və təhlükəsizliyinə yardım edəcəyini görüş iştirakçılarının nəzərinə çatdırıb. Keçən həftə açılışının həyata keçirildiyi Bakı-Tbilisi-Qars dəmir yolunun böyük geosiyasi məkanda tarixi əhəmiyyətini xüsusi qeyd edən Müdafiə naziri, bu layihənin Avropa və Asiyanın nəqliyyat xəritəsinin önəmli hissəsinə çevrildiyini, o cümlədən Qətiyyətli Dəstək Missiyasının ehtiyaclarının yerinə yetirilməsi üçün böyük imkanlar yaratdığını da diqqətə çatdırıb.   Qarabaq.info |
Bu xəbəri dostlarınla paylaş:
Prezident İlham Əliyevin Azərbaycan xalqını qarşıdan gələn Novruz bayramı münasibətilə təbrik edib
Ölkə içi
Azərbaycan prezidenti Formula-1 Azərbaycan Qran-Prisinin açılış mərasiminə və final yarışına baxıb
Ölkə içi
Cəbrayıl rayon köcgün qəsəbəsində Xocalı soyqırımı şagirdlərin gözü ilə geniş tədbir keçrilmişdir.
Gündəm
Azərbaycan Prezidenti İstanbulda D-8 İqtisadi Əməkdaşlıq Təşkilatının IX Zirvə görüşündə xüsusi qonaq qismində iştirak edib
Siyasət
Azərbaycan prezidenti Heydər Əliyev adına yarımdalma qazma qurğusunun açılışında iştirak edib
Gündəm