“Gənc Təbiət Dostları” Şəbəkəsi adlı layihə çərçivəsində yeniyetmə və gənclər arasında təlim həyata keçirilmişdir

“Gənc Təbiət Dostları” Şəbəkəsi layihəsi çərçivəsində təlim keçirildi

Azərbaycan Respublikasının Prezidenti yanında Gənclər Fondunun dəstəyi ilə fərdi layihə qalibi Sevinc Ədilova tərəfindən Ağdam rayonunda həyata keçirilən “Gənc Təbiət Dostları” Şəbəkəsi adlı layihə çərçivəsində Ağdam rayonunda yeniyetmə və gənclər arasında təlim həyata keçirilmişdir.

Təlimdə Ağdam rayon Təhsil şöbəsinin, Tələbə Gənclər Təşkilatının, Gənclər və İdman İdarəsinin və QHT əməkdaşları da iştirak etmişlər. Tədbir zamanı hər bir məktəbdə Könüllü qruplar yaradılmışdır. Yaradılmış bu qruplar mütəmadi olaraq öz məktəblərində və məktəbəqədər uşaq müəssisələrində təbiətin keşiyində durmağın qaydalarının öyrədilməsi istiqamətində müxtəlif metodlarla işlər aparacaq, daha kiçik yaşlı uşaqlara bu qaydaların öyrədilməsi prosesinin birbaşa iştirakçısı olacaqlar.

Qeyd edək ki layihənin əsas məqsədi yeniyetmə və gənclər arasında təbiətin qorunması, ətraf mühitin təmiz saxlanması və içməli su hövzələrinin çirkləndirilməməsindən ibarətdir.