“Xalq ordunun, Ordu xalqın dayağıdır” hərbi-vətənpərvərlik tədbiri və hərbi hissənin ad günü qeyd edilmişdir

“Beyləqan Gənclərinin Maarifləndirilməsi və Sosial İnkişafı” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə həyata keçirdiyi“Aprel döyüşləri şəhidlərinin xatirəsinin əbədiləşdirilməsi ilə bağlı yeniyetmə və gənclər arasında tədbirlərin təşkili” layihəsi çərçivəsində Ön cəbhədə yerləşən “N” saylı hərbi hissənin yaranması günü münasibətilə “Ordu xalqın, xalq ordunun dayağıdır” adlı hərbi-vətənpərvərlik gecəsi keçirilmişdir.

Təntənəli mərasimdə QHT-lər, müharibə veteranları, Yazıçılar Birliyinin üzvləri, gənclər, ön cəbhədə xidmət edən zabitlər, əsgərlər və ictimaiyyət nümayəndələridə iştirak etmişdir. Tədbir ümummilli lider Heydər Əliyevin və torpaqlarımızın azadlığı uğrunda şəhid olmuş soydaşlarımızın əziz xatirələrinin bir dəqiqəlik sükutla yad edilməsi ilə başlayıb. Tədbirdə çıxış edənlər Beyləqan Gənclərinin Maarifləndirilməsi və Sosial İnkişafı İB-nin sədri Zaur Quliyev, Mina Qurbanlarının Sosial-İqtisadi Probelmlərinin Həllinə Kömək” İctimai Birliyinin sədri, Qarabağ müharibəsi veteranı Məmmədhəsən Həsənov, “Məşəl” Əlil və şəhid ailələrinə dəstək İB- nin sədri Alman Abbasov, Beyləqan tarix- diyarşünaslıq Muzeyinin direktoru Mehriban İsgəndərova, “Beyləqan” qəzetinin baş redaktoru, Azərbaycan Yazıçılar Birliyinin üzvü Elman İsrafiloğlu ordumuzun son vaxtlardakı uğurları, Azərbaycan əsgərinin və xalqının döyüş və vətənpərvərlik ruhu, düşmən atəşlərinin qarşısının mərdliklə alınması, düşmənin təxribat xarakterli hərəkətlərinə vaxtında layiqli cavab verilməsi, Ali Baş Komandanın düşmənlə təmas xəttində hərbiçilərimizlə görüşləri haqqında fikirlərini bildirmişdir.

Tədbir incəsənət ustalarının və hərbi hissənin özfəaliyyət dərnəyinin ifasında vətənpərvərlik mövzusunda konsert proqramı ilə davam edib. Qonaqlar təşkil olunmuş tədbirə görə hərbi hissənin rəhbərliyinə öz minnətdarlıqlarını bildiriblər.