Dünya Azərbaycanlıları Assambleyası dünya azərbaycanlılarını Həmrəylik və Yeni il Bayramı münasibəti ilə təbrik edir! Bayramınız mübarək dəyərli soydaşlarım!

Dünya Azərbaycanlıları Assambleyası dünya azərbaycanlılarını Həmrəylik və Yeni il Bayramı münasibəti ilə təbrik edir!
Bayramınız mübarək dəyərli soydaşlarım!

Dünya azərbaycanlılarının həmrəylik videosu.
Qarabaq.info xəbər verir ki, Dünya Azərbaycanlıları Assambleyasının təşəbbüsü ilə Həmrəylik Günü və Yeni il münasibətilə dünyanın müxtəlif ölkələrində yaşayan azərbaycanlıların təbrik mesajı bir yerə yığılaraq sujet hazır edilib.
 DAA Mətbuat Xidmətindən verilən məlumata görə, Sujetdə DAA-nın ölkələr üzrə nümayəndəlikləri- ABŞ (New-York), İspaniya (Santiaqo), Tatarıstan (Kazan), Azərbaycan (Bakı), Yaponiya (Tokio), Almaniya (Frankfurt), Danimarka( Hillerod), Şimali Kipr, İsveç (Malmö), Ukrayna (Xarkov), Kanada (Montreal), Almaniya ( Köln) iştirak etmişdir. Hər ölkə nümayəndəliyi çıxışının sonunda “Səni Sevirəm Azərbaycan”-ı yaşadığı ölkənin dilində səsləndirib. Sonda Dünya Azərbaycanlıları Assambleyasının Prezidenti Rəşad Quliyevin təbrik videosu təqdim edilib.
Qeyd edək ki, DAA-nın yaradılmasında məqsəd dünya çapında müstəqil Azərbaycanımızı təbliğ etmək, azərbaycançılıq ideologiyasına xidmət etməklə məskunlaşdığı ölkələrdə fəal olan insanlarımızı təşkilatlandırmaq, müxtəlif ölkələrdə yaradılmış təşkilatlarımızın fəaliyyətinə, ölkəmizin müxtəlif ölkələrlə qarşılıqlı əlaqələrinə dəstək vermək, milli məsələlərimizi beynəlxalq aləmin gündəminə gətirmək, ölkəmizdə mövcud olan hər cür milli, dini, mədəni tolerantlığı, multukulturalist mühiti təbliğ etməkdir.