Səudiyyə Ərəbistanı rəhbərləri Azərbaycan prezidentinə təbrik məktubları göndəriblər

İki müqəddəs məscidin xadimi, Səudiyyə Ərəbistanının kralı Salman bin Əbdüləziz Al Səud Azərbaycan prezidenti İlham Əliyevə məktub göndərib.

 Qarabaq.info APA-nın xəbərinə görə, təbrik məktubunda deyilir:

“Ölkənizin dövlət müstəqilliyi günü münasibətilə Səudiyyə Ərəbistanı Krallığının xalqı və hökuməti adından, şəxsən öz adımdan zati-alinizə ən səmimi təbriklərimizi çatdırırıq. Sizə cansağlığı və xoşbəxtlik, qardaş Azərbaycan Respublikasının hökuməti və xalqına inkişaf və çiçəklənmə arzu edirik.

Zati-alinizə hörmət və ehtiramla: qardaşınız Salman bin Əbdüləziz Al Səud”.

Azərbaycan prezidentini həmçinin Səudiyyə Ərəbistanı Krallığı vəliəhdinin varisi, baş nazirin ikinci müavini, müdafiə naziri Məhəmməd bin Salman bin Əbdüləziz Al Səud və Səudiyyə Ərəbistanı Krallığının vəliəhdi, baş nazirin müavini, daxili işlər naziri Məhəmməd bin Nayif bin Əbdüləziz Al Səud təbrik ediblər.  apa.