Misir sahillərində miqrantları daşıyan gəminin batması nəticəsində ölənlərin sayı 166-ya çatıb

Misir sahillərində miqrantları daşıyan gəminin batması nəticəsində ölənlərin sayı 166-ya çatıb.

AZƏRTAC xarici KİV-lərə istinadla xəbər verir ki, axtarış-xilasetmə işləri davam etdirilir. Xatırladaq ki, göyərtəsində Afrikanın müxtəlif ölkələrindən 400-600 miqrantın olduğu gəmi sentyabrın 21-də Misir sahillərindən 12 kilometr aralıqda batıb. Sahil mühafizə xidməti yalnız 150 nəfəri xilas edə bilib.

Baş nazir Şərif İsmayıl yazılı açıqlamasında axtarış-xilasetmə işləri ilə bağlı prosesləri yaxından izlədiyini bildirib və gün ərzində hadisə ilə bağlı nazirlər səviyyəsində toplantı keçiriləcəyini ifadə edib.     AZƏRTAC.