Fransa hökuməti istefaya göndərildi

Fransanın baş naziri Bernar Kaznev və ölkə hökuməti prezident seçilən Emmanuel Makronun səlahiyyətlərini icra etməyə başlamazdan əvvəl istefaya gedib.

Qarabaq.info Cebhe.info-ya istinadən xəbər verir ki, bu barədə Kaznev bildirib. 

“Konstitusiya Şurası rəsmi olaraq prezident seçkilərinin nəticələrini elan etdiyindən Respublika ənənələrinə uyğun olaraq mən özümün və hökumətin istefaya getdiyini elan edirəm”.

Fransanın hazırki prezidenti Fransua Olland hökumətin istefasını qəbul edib. Yeni baş nazir və onun hökumətinin üzvləri gələn həftə təyin olunacaq.