Layihə çərçivəsində növbəti təlim təşkil edilmişdir

Layihə çərçivəsində növbəti təlim təşkil edilmişdir

“Beyləqan Gənclərinin Maarifləndirilməsi və Sosial İnkişafı” İctimai Birliyinin Azərbaycan Respublikası Gənclər və İdman Nazirliyinin dəstəyi ilə həyata keçirdiyi “Gənclərin məşğulluğunun təmin olunmasında peşə təhslinin rolu” layihəsi çərçivəsində Beyləqan rayonunda növbəti tədbir təşkil edilmişdir. Yeniyetmə və gənclərin iştirakı ilə layihə çərçivəsində həyata keçirilən növbəti təlimdə məqsədin təyin olunması, motivasiya və özünəinam, iş axtarışı zamanı düzgün yanaşma, peşəyönümünün psixoloji aspektləri, özünəməşğulluğun əsas elementləri məsələləri müzakirə olunmuşdur. Təlim interaktiv metodla keçirilmiş, interaktiv təlim üsulları, təqdimatlar, iştirakçılarla və mütəxəssislərlə fikir mübadiləsi aparılmışdır.

Qeyd edək ki, layihənin əsas məqsədini region gənclərinin məşğulluq probleminin həllinə səy göstərməklə, insan kapitalının inkişafına dəstək olmaq və regionun sosial-iqtisadi inkişafına yardım etmək təşkil edir.